محلية

بالصورة شاهد وصية عراقي قبل أعد(امه قبل 30 سنة

صحيفة اليوم الثامن الالكترونية

عثرت قبل ايام الجهات المختصة على” بدلة تعود لأحد الرفات العراقيين في الم(قابر الجماعية بمحافظة الأنبار الذين تخلص منهم النظام السابق”.

ونَسَج الشهيد على بدلته بالإبرة والخيط عبارة ‏(ابلاغ اهلي تلفون ٤٢٥٠٠٧٩)، وكتب أيضا ‏(نبيل عبد الحميد محكوم إعدام) ‏(١١-٥-١٩٨٧)”، و‏وُجدت الرسالة مع رفاته في م(قبرة سهل عكاز الجماعية في الصقلاوية في محافظة الأنبار.

وفي بعض احاديث العراقيين وما تم تداوله رصدنا لكم رسالة ثانية مؤلمة جدا

السلام عليكم بوية . شلونك أن شاء الله بخير،أني عفتك مريض والتحقت وبقيت ببالي هواي،أنت ماتدير بالك على روحك،شلونهه أمي سلّم لي عليهه ادري بيهه هم مريضة،بوية باجر ياخذونه للهجوم واني راح استشهد فاريد اوصّيك لان ماعندي بس الله ورسوله وأهل البيت وانته وتدري بيه اني مظلوم مثل غيري،اول شي دير بالك على روحك ولا تصير عصبي ادري بيك حارك أعصابك علمودنه بوية الدنية ماتسوه وانته رجّال جبير ويمكن م(وتي راح يأثّر عليك فأحلفك بعلي بن أبي طالب لاتنقهر هواي عليّه،

وأريد اوصّيك هواي بأمّي، تخلص الاربعين اخذهه اشتريلهه عباية جديدة ودشداشة مو سوده خل تفك حزنهه وكلّلهه هاي وصية كريم ومن فلوس كريم مو منّي واذا تحبين كريم ذبّي الاسود لان آني ادري بيهه بقت لابسه أسود جم سنة على جدي الله يرحمه،بويه احلفك بالعباس لاتبسط ( اخوتي الزغار) من يسوون وكاحه همه ماعدهم غير البيت يلعبون بيه،

دير بالك على أختي (رضية) ولاتقهرهه، الولد زوّجهم خاطر تشوف ولدهم وأنت عدل الله يطوّل عمرك، بوية ومن تجيكم ج(ثتي، ودوني للجامع، وسلم لي على (شيخ كاظم ) خلي يصلي عليّه ويدعيلي الله يغفر ذنوبي، بوية اني هواي عندي ذنوب، خلّوا جنازتي بجامع الرضا ع ساعتين لاتشيلوهه ،

خلوني بالجامع الي طول عمري ماطبيته ولاصليت بيه لان اصحاب السوء اخذوني لغير طريق،خلي الناس تبريني الذمة لان اني مااذيت واحد، سلّم لي على عمامي، (عمي صبار) زعلان عليّه راضيلياه وبوسلي ايده وكَلّه هاي من كريم … الله وياك بوية وراح انتظرك بالكبر”

الله يرحم شهداء العراق

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق